Sare sozial bat?
Bai; gaur egungo terminologiak erabiliz, esan daiteke Victoria Eugenia Antzokia Gipuzkoako sare sozial aktiboenetako bat izan dela. Bere ehun urteetan, eztabaida-foro gisa funtzionatu du; mundua aurkitzeko leiho, topagune, ikastegi eta gauza gehiago gisa.

Donostiako antzoki handian esan genion agur Txirrita bertsolariari, han txalotu genituen Gigli, Montserrat Caballé edo Pavarottiren ahotsak. Espainiako antzerkiko izar zaharrak agurtu ditugu, eta euskal eszena eta dantzako izar berriak. Hitchcocken 'Vertigo' aurkitu dugu, eta Mikel Laboa sinfonikoenak hunkitu gaitu. Zenbat etapa eta aurpegi Victoria Eugeniak, hainbat esperientzia bizi izan ditugu.

Izan ere, sare sozial hori behin eta berriz hasi eta eguneratu da garaian garaikoaren arabera. Victoria Eugenia klub aristokrata bat izan da, herri-dantzetako areto, lubaki, gerra arteko artisten babesleku, euskal kulturaren oholtza, agertoki frankista, nazioarteko jaialdien egoitza, artisten sehaska, izar handien kamerino, aldarrikapenen bozgorailu eta gune multi- disziplinario.


Haren historia gure historia da, #VictoriaEugenia sare sozialarena.