Antzerkia Donostia Antzerki Saria

Hiru kortse, azukre asko eta brandy gehiegiKamikaz Kolektiboa + Ttak Teatroa

2023 martxoak 27 • 19:30

Victoria Eugenia Antzokia

Hizkuntza: euskara - 70 minutu

Gonbidapenarekin

Oharra

Gonbidapenak martxoaren 26an egongo dira eskuragarri Victoria Eugenia Antzokiko leihatilan, goizeko 11:30etik aurrera.

Urtero, martxoaren 27an, Antzerkiaren Mundu Eguna dela eta, Donostia Antzerki Saria ematen zaio aurreko urtean hirian euskaraz antzeztutako obra onenari, eta halaxe egingo da aurten ere. Saria eman ondoren, obra saritua antzeztuko da.

Galaren hasieran Patri Urkizu idazleari omenaldia egingo zaio euskal antzerkiari egindako ekarpenagatik.

2023ko mezua Samiha Ayoub interpreteak idatzi du.

Emakume 1, emakume 2, emakume 3, kanpai hotsekin batera, puntual elkartzen dira merienda mahai baten inguruan. Tisana, pasta, azukre eta pastelitoz betetzen dituzte gorputzak, beraien egunerokotasunaz hitz egiten duten bitartean.

Ba ote dakite, beraien bizitza beste norbaitek kontatua izan dela? Zein begiradatik izan dira sortuak emakume hauek? Nork idatzi du tinta lodiz historia? Historia kontatu diguten bezalakoa da?

Nork mugitzen ditu emakume hauen kortseen hariak?

Amancay Gaztañaga, Erika Olaizola eta Iraia Elias.

Informazio gehiago: Hiru kortse, azukre asko eta brandy gehiegi. Kamikaz Kolektiboa eta Ttak Teatroa