Las avesLa Calòrica

Pisteter enpresario gaztea eta haren bizilagun Evélpides ezin dira itzuli etxera. Eta ez zaie bururatzen nora joan daitezkeen nahi luketen bizimodu eroso, lasai eta zergagabea izateko. Halabeharrez, argi-oilar xalo batekin egingo dute topo basoan, eta jokabidea aldatu beharraz hasiko dira pentsatzen: eta giza izateari utzi eta hegazti bihurtuko balira? Are gehiago: eta munduko hegaztiak konbentzituko balituzte gizarte berri bat sortzeko, honako printzipio oinarrizko hauetan oinarritua: Norbanakoa, Jabetza eta Lehia?

Eginkizuna ez da batere erraza. Jendetzak konbentzitu beharko dituzte kontakizun sendo eta zirraragarri batez, mundua mundu denetik bertan diren botere zaharrekin negoziatu beharko dute, baliteke-eta prest ez egotea inolako aldaketarik onartzeko; burdinazko eskuaz ekin beharko diote arerioen kontra, Demokraziarekin eta Kapitalismoarekin aurrez aurreko solasa izateraino. Las aves taldean sortutako lana da, Aristofanesen izen bereko antzezlanetik abiatuta.

Dramaturgia: Joan Yago. Zuzendaritza: Israel Solá. Interpreteak: Xavi Francés, Aitor Galisteo-Rocher, Esther López, Marc Rius. Eszenografia, jantziak, argiztapena: Albert Pascual. Eszenografia, jantziak, argiztapena: Guillem Rodríguez (Arnau Vallvéren laguntzarekin). Karakterizazioa: Anna Rosillo. Eszenografiaren gauzatzea: La Calòrica, La Forja del Vallès. Jantzien gauzatzea: Albert Pascual. Eszenografiako LED argiak: L&D Lights. Makinista: Pere Sànchez. Off-eko ahotsak: Queralt Casasayas, Arnau Puig, Andrea Ros, Vanessa Segura, Júlia Truyol, Pau Vinyals. Argazkiak: Anna Fàbrega. Bideoa: Moosemallow Crew. Ekoizpen exekutiboa: Júlia Truyol, Roser Soler. Ekoizpena: La Calòrica.