Dantza Familian Nerea Gurrutxaga

Ekimen honek artea eta, bereziki, dantza haurrak dituzten familiei gerturatzea du helburu. Modu ludiko eta parte-hartzailean, familia osoak sormen gaitasuna lantzeko, erritmo eta mugimenduan barneratzeko eta giza harremanetan sakontzeko aukera izango du. Oraingo honetan, Nerea Gurrutxaga koreografo eta dantzariak zuzenduko du dantza tailerra.

4 urtetik gorako haurren familiei zuzenduta dago eta haurrek gutxienez heldu batekin etorri beharko dute, saioan berarekin partehartzeko. Helduek eta haurrek eman behar dute izena abenduaren 1ean 11:30etik aurrera (ekitaldi honen fitxan automatikoki azalduko den erreserbatzeko botoiaren bidez).