dFERIAk XXIX. edizioko balantzea aurkeztu du
dFERIAren edizio honetako nobedadea nazioartekotze-ildoa indartzea izan da, batez ere Europari begira. Horrek fruituak eman ditu, eta nazioarteko profesional akreditatuen kopurua nabarmen handitu da. Gainera, nabarmentzekoak dira dFERIAn izandako maila artistiko altua eta proposamenen aniztasuna, dFERIA estatu mailako erreferente bezala kokatzen dutenak. Azkenik, publikoaren erantzuna eta akreditatuen maila berreskuratu egin dira pandemiaren ondoren.
dFERIAk sentsazio bikainekin itxi du XXIX. edizioa. 14.000 lagun inguru joan dira antolatutako jarduera guztietara: 8.500 ikuskizunetara, batez beste % 81eko okupazio-mailarekin, eta 5.300 dFERIAko jarduera profesional eta ekitaldietara.
Kopuruei dagokienez, ikuskizunen kopuru handi bat (%64) estreinaldiak izan dira modu batean edo bestean: bat mundu mailan, beste bat Europa mailan, estreinaldi bat estatuan eta hamabost Euskal Herrian. Diziplinei dagokienez, %46,5a dantza izan da, beste %39a antzerkia, %11a diziplina anitzak eta zirku ikuskizun bat izan da ere. Konpainien jatorriari dagokionez, %43a euskal konpainiak izan dira (12), %36a espainiarrak (10) eta %21a nazioartekoak (6). Cuba, Italia, Belgika, Alemania eta Costa Rica izan dira nazioarteko konpainien jatorria.
Akreditaturiko lagunen kopurua 2019koaren antzekoa izan da, hain zuzen, maila altuen lortu zen urtekoa. Guztira, 540 profesional etorri dira. Horietatik, 209 programatzaile, 71 banatzaile, 160 ekoizle edo konpainia-ordezkari, 61 instituzio-ordezkari, 21 kazetari eta kritikari, eta 18 beste sektore batzuetakoak. Aipatzekoa da nazioarteko profesionalen kopurua %10ekoa izan dela, gehienbat Europatik eta Amerikatik etorriak.
Informazio gehiago: dFERIA
