Giza Eskubideen Zinemaldiak 2026rako bere irudia aurkeztu du
2026ko apirilaren 23tik 30era bitartean Victoria Eugenia Antzokian eta Antzoki Zaharrean garatuko den Donostiako Giza Eskubideen 23. Zinemaldiko kartel ofizialeko argazkia Emoverek (Jotta Zubiria & Uxue Montero) egin du, aurreko urteetan bezala. Kartelaren diseinua Ytantos estudioak egina da.
2026.03.04
Hasiera-hasieratik, zinemaldiak ahalmen handiko argazki polisemikoak hautatu ditu edizio bakoitzeko kartelerako: unean uneko errealitateari estu lotutako irudiak, edo denborazkotasuna gainditu eta hainbat irakurketa izan ditzaketenak, haiek behatzen dituzten pertsonen arabera.
