Louis Sclavis Quintet: India

Louis Sclavis Quintet: India

Louis Sclavis (klarineteak), Sarah Murcia (kontrabaxua), Benjamin Moussay (pianoa), Olivier Laisney (tronpeta), Christophe Lavergne (bateria)

Louis Sclavis Europako jazzak duen soinu-narratzailerik handienetako bat da, Frantziako musika inprobisatuaren figura adierazgarria. Boskote bat osatuta, India (2025) diskoa aurkeztu du, bere espiritu nomada etengabea luzatzen duen proiektua. Chine (1987) maisulana egin eta ia 40 urteren ondoren, klarinete-jotzaileak bidaia bat proposatzen digu berriz ere. Bidaia horretan, jazzak Asiako soinu tradizionalekin dihardu, eta iraganeko bidaien oroitzapenetik amestutako India bat iradokitzen du.

Sarah Murcia kontrabaxu-jotzailearekin, Benjamin Moussay piano-jotzailearekin, Christophe Lavergne bateria-jotzailearekin eta Olivier Laisney tronpeta-jotzailearekin, Sclavisek talde-soinu sendoa eta ezaguterraza lortzen du, erritmo tematietan oinarrituta melodiak, dantzak eta inprobisazioak eskaini ditzakeena. Talde horrekin, irudimenez, entzutez eta askatasunez osatutako unibertso komun bat eraiki du.

India obra materia musikal bihurtutako bidaia-inpresioetatik sortu zen: antzerki bat Kalkutako kaietan, tren luze bat landazabala zeharkatzen, gau bat Kali Templen, Ganesheko jaiak... Diskoak urruneko leku baten oroitzapenak proposatzen ditu, ia irudipenak direnak. Urruneko India hori hainbat giro eta testuratan zabaltzen da, boskotearen indar kolektiboak markatutako lirismoarekin beti.