YarinKukai Dantza, entsegu irekia

Yarin obra koreografikoren entsegu irekia gidatuko dute KUKAI Dantza taldeko kideek.

Yarin ikuskizunean Jon Maya euskal dantzariak eta Andres Marin dantzari flamenkoak bat egiten dute. Norbere sustraietan oinarrituta, bi estiloen arteko elkarrizketa proposatzen dute. Bi dantzariek dioten moduan, “YARIN bi sustraien arteko topaketa bat da”. Ensaio publiko honetan euren lan prozesua nolako izan den kontatuko digute, bien jatorrietatik abiatuta, bestearekin topatzerakoan zer eremu komun aurkitu duten aztertuz.

Sarrera doakoa izango da. Bi sarrera gehienez pertsona bakoitzeko. Jasotzen ez diren gonbidapenak eskuragarri jarriko dira Victoria Eugenia Antzokiko leihatilan entseguaren egunean, otsailak 2, 18:00etatik aurrera.