Anthony Blake

Anthony Blake esperientzia berri batekin dator Donostia magiaz blai ekitaldien baitan, eta horrela azaltzen du bere jaduna: "Blake gertuko apustu bat da, Blake ustekabe hutsa da, Blake adimenaren magiaren jazza da, mentalismoarena, adimen-ilusioena. Publikoak ez du inoiz berdin erantzuten, ezta berdin pentsatzen ere, Blakek egokitu egin behar du, erritmoa publikoak markatzen du, baita ikuskizunaren diseinua ere; baina ebazpena, Blakeren esku baino ez dago.

Ganbera beltz bat, mahai bat, aulki bat, argi sotil, intimista, misteriotsu bat, musika iradokitzaile bat, batzuetan aztoragarria, eta zure pentsamenduen txoko ezkutuetara eramango zaituen ahots limurtzaile bat, Blakek ez du burua irakurtzen, zure pentsamenduak irakurtzen, interpretatzen eta manipulatzen ditu, eta hori guztia oso gertutik, ezin hurbilagotik. Leku ezberdinak saio bakoitzean, antzoki, eszenatoki eta baliabide tekniko ezberdinak. hurbileko ideia intimista berri bat, guztiz aparta. Ez luze pentsatu, Blakek jakin egingo du, Blakek nabaritu egingo du, irten agertokira, Blakek harritu egingo zaitu. Eta honen guztiaren amaieran, kalean zaudenean, dena errematatzen duen esaldi hori entzungo duzu: Eta gogoratu, ikusi duzuen guztia zuen irudimenaren emaitza izan da, ez pentsatu gehiago, ez du zentzurik”.