Albisteak eta oharrak

15 kontzertu izango dira urtarriletik martxora.

Gaurtik aurrera, abenduak 20, eta abenduaren 31ra bitartean, XXVI. Donostia Antzerki Sariko epaimahaikide izateko izen-emate epea zabaldu da.

Hona hemen Donostia Kulturako guneen ordutegia abenduaren 21etik urtarrilaren 6ra bitartean.

2025eko dFERIA martxoaren 16tik 20ra bitartean egingo da eta Iñigo Burgui diseinatzaile eta publizista izan da irudiaren sortzailea. Bere lanak honako izenburua du Dena ikusten duen begia: dFERIA 2025en begirada bikoitza.

Martin Zimmermann suitzarraren Danse Macabre ikuskizunak emango dio hasiera 2025eko dFERIA. Martxoaren 16tik 20ra bitartean egingo da eta Alemania, Suitza eta Austria izango ditu herri gonbidatu. Danse Macabrerako sarrerak bihar, abenduak 12, jarriko dira salgai 11:30etik aurrera webgunean eta Victoria Eugenia eta Antzoki Zaharreko leihatiletan.

Egitarau oparoa dakar 2025eko martxoaren 1etik 9ra Donostian izango den Gure Ahotsak zikloak, emakume musikariei ahotsa eta plaza emateko. Hala, martxoaren 1etik 9ra emakumezko musikarien bost kontzertu izango dira Victoria Eugenia Antzokiko eta Antzoki Zaharreko oholtzetan. Hurrenez hurren, Olatz Salvador, Travis Birds, Amaia Miranda, Ginebras eta Tulsa izango dira.

Aurten ere, Donostia Magiaz Blai nazioarteko galak munduko magorik onenak bilduko ditu urtarrilaren 4, 5 eta 6an Victoria Eugenia Antzokian. Oraingoan hiru ikuskizun izango dira magia gustokoa duten gozamenerako eta Juan Mayoral leondarra eta Violeta Zheng txinatarra arituko dira zuzendari artistiko eta zuzendari eszeniko lanetan, hurrenez hurren.

Aurreko esleipendunaren kontratua amaitu ondoren, Victoria Eugenia Antzokian Victoria Café espazioa ustiatzeko lehiaketa irabazi du Grupo Sareak datozen 15 urteetarako.

Lehenengo bi asteetako programazioak harrera arrakastatsua izan eta gero, literaturaz betetako bigarren asteburuari ekingo dio Literaktum jaialdiak.

Asteazkenean, azaroak 20, jarriko du Donostia Kulturak salgai neguko arte eszenikoetako programazioa.