Albisteak eta oharrak

Aiko Taldeak, Donostia Kulturarekin lankidetzan, Sakontzen (20 urte) mintegi-zikloa antolatu du bere 20. urteurrena dela eta, urtarriletik maiatzera bitartean Victoria Eugenia Antzokiko Dantza Aretoan emango dena.

Gaur, abenduak 17, dFERIAren programazio eszeniko osoa aurkeztu da. Ikuskizun hauetarako sarrerak ostiralean, abenduak 19, jarriko dira salgai 11:30etik aurrera. Gainera, Donostia Kulturako bazkideei 24 orduko aurresalmenta eskainiko zaie, bihar, abenduak 18, 11:30etatik aurrera.  XXXII. dFERIA martxoaren 14tik 18ra bitartean egingo da eta LEGATUA izango du lelo.

Hona hemen Donostia Kulturaren guneen ordutegia abenduaren 21etik urtarrilaren 6ra bitartean.

Gaur, abenduak 12, eta abenduaren 19a bitartean, XXVII. Donostia Antzerki Sariko epaimahaikide izateko izen-emate epea zabaldu da.

Egitarau mamitsua apailatu du 2026an izango den Gure Ahotsak Emakumezko Musikarien Zikloak; 5 kontzertu eskainiko ditu martxoaren 3tik 7ra, Victoria Eugenia Antzokian eta Antzoki Zaharrean. Hala, Neomak, Mirua, Chica Sobresalto, La Tremendita eta Clara Peya izango dira bi antzokietako oholtzetan eta, berrikuntza gisa, musikariekin topaketak izango dira aurtengoan kontzertuen ondoren, Victoria Eugenia Cluben, Clara Peya eta La Tremenditarekin.

Donostiako Arte Eszenikoen Feriak, dFERIAk, definituta du jada 2026ko kartela. Mai Egurza ilustratzaile irundarrarena da ilustrazioa. Orain dela gutxi zendu da Mai eta, hori dela eta, sortze-prozesua Raquel Ródenas ilustratzaile eta lagunak osatu du. Bada, gainera, 2026ko dFERIAren kartelak artista gipuzkoarra bihotzez omentzeko balio du. Haren heriotza deitoratzen dugu.

Jende ugari hurbildu da heldu eta haurrentzat antolatutako 53 ekitaldietara.

Lehenengo bi asteetako programazioak harrera arrakastatsua izan eta gero, literaturaz betetako bigarren eta azken asteburuari ekingo dio Literaktum jaialdiak. Jarduera horietako batzuen audioak entzun daitezke Berriro entzun - DK ON! atalean.

Ostegunean, azaroak 20, jarriko du Donostia Kulturak salgai neguko arte eszenikoetako programazioa. Berrikuntza gisa, Donostia Kulturako bazkideek lehentasuna izango dute 24 orduko aurresalmenta batean (azaroaren 19an hasita) eta % 20ko deskontua hainbat ikuskizunetan.

Donostiako Giza Eskubideen 23. Zinemaldian izena emateko epea azaroaren 17tik urtarrilaren 15era bitartean egongo da zabalik.